Servus Leidli,
Brodzeid, wechä wosnä, des bassd scho Ausädem moch i in Fredl, ärcherdswii issä mä sümbadisch - a wenns na edserdla bschissn gehd
Also naa Soddnmolch, Hosli kennsd abbä Gärdli ned - sooch amoll, bisd välleichd aa a so a jungä Schbrudsä där kann Dialegd nemmä gscheid kenna dud
Yogi, dange sächd dä Frangge, vor allm muss i mi immä widdä wunnern, dassd Di ned blos mid dennära Bflanzn gscheid auskenna dusd, naa, edserdla a nu in unnerä Gechnd - Du hasd doch a bisserla schbioniird, Du wärsd doch ned beim Bruno scho aufm Kellä gsessn sei
Rolf, edserdla schdell di ned aso oo, sugoä dä Fuuchl ausm Schluchdnländla fäschdehd mi und sogoä des Zwerchla fo dä Bseudobiähaubdschdadd ... und übrings, die Leidli in Bärnburch hamm mi a immä fäschdanna - sugor dä Brof aus Bäliin - a wenn i na erschd amoll beibringa gmüssd hab, wie mä a Fässla midderäm Hohnä und an Glübfl ooschdichd Und auseradem, ei väbibsch, sei froh, dassi ned fo Wisma oddä so kumm - dii dann erschd a Zeich däheerlaabern, vo wechä "Beer ut de Fatt inne Muck" des had aa a bisserla gedauerd, bis i gwissd hob wos der a soo maand
In deem Sinn, an scheena Oomd nu Eich alla
es Schbechdla